Një 25-vjeçar shqiptar është arrestuar nga policia italiane pasi u kap me 11 kg lëndë narkotike në makinë. Droga, e llojit kokainë, ishte e ndarë në dhjetë pako dhe e fshehur në një ndarje të modifikuar mes bagazhit dhe sediljes së pasme.

Sipas mediave italiane, i riu, i cili banonte në Firence, u ndalua nga policia gjatë një kontrolli rutinë në rrugë. Sjellja e tij e dyshimtë dhe gjendja e nervozizmit çuan efektivët në kryerjen e një kontrolli të imtësishëm të automjetit, ku u zbulua sasia e drogës.

Kokaina e sekuestruar ka një vlerë tregu prej rreth 850 mijë eurosh. Pas arrestimit, 25-vjeçari shqiptar u dërgua në burg dhe ndaj tij rëndojnë akuzat për trafik droge. Autoritetet italiane po vijojnë hetimet për të zbuluar nëse ai ishte pjesë e një rrjeti më të gjerë të trafikut të lëndëve narkotike.