Policia e Kosovës ka arrestuar një shtetas të Shqipërisë pasi gjatë kontrollit të automjetit të tij në autostradën “Ibrahim Rugova” u gjetën dhe sekuestruan katër granata dore.

Sipas raportit të policisë, i dyshuari u ndalua gjatë një inspektimi rutinë, ndërsa pas gjetjes së armëve, ai u arrestua menjëherë dhe u dërgua në mbajtje me vendim të prokurorit.

Autoritetet kanë hapur hetime për këtë rast dhe pritet të vijojnë procedurat ligjore për të zbardhur rrethanat e ngjarjes.