Një 32-vjeçar shqiptar është arrestuar nga policia italiane pas një sulmi ndaj një 52-vjeçari, i cili ka mbetur i plagosur dhe ndodhet aktualisht në spital. Sipas mediave italiane, ngjarja ndodhi pranë një stacioni autobusi në Corso Sebastopoli të Torinos.

Raportohet se mes shqiptarit dhe 52-vjeçarit italian ka pasur një debat, i cili është përshkallëzuar në dhunë. Dyshohet se shqiptari e ka goditur italianin me një mjet prerës, duke e detyruar atë të bjerë në tokë. Pasi italiani ra, shqiptari e goditi atë me shkelma në fytyrë.

Fatkeqësisht për shqiptarin, një patrullë policie kalonte në atë moment dhe e arrestoi atë në kushtet e flagrancës. Autoritetet po hetojnë më tej rrethanat e ngjarjes dhe shkaqet që çuan në këtë akt të dhunshëm.