Bashkëshortja e Donald Trump, Melania Trump, ka publikuar një video në rrjetet sociale në mbrojtje të punës së saj si modele, duke përfshirë pozat nudo që ka realizuar në të kaluarën. Në pamjet e postuara në platformën X (ish-Twitter), ajo shprehet se “pyetja më urgjente” është pse media “ka zgjedhur të analizojë festimin tim të formës njerëzore në një sesion fotografik mode”.

Melania, e cila ka shkruar një autobiografi që do të publikohet më 8 tetor, thekson se gjatë historisë artistët kanë nderuar trupin njerëzor duke ngjallur emocione dhe admirim. “A nuk mundemi më të vlerësojmë bukurinë e trupit njerëzor?” pyet ajo në video.

“Duhet të nderojmë trupat tanë dhe të përqafojmë traditën e përjetshme të përdorimit të artit si një mjet i fuqishëm i shprehjes së vetvetes,” përfundon Melania, duke promovuar mesazhin e saj në fund të videos. Puna e saj si modele kishte shkaktuar diskutime të shumta gjatë fushatës presidenciale të vitit 2016, por mbetet e paqartë nëse ajo po i referohet shqyrtimeve të mëparshme apo raporteve të reja nga media.