Një ngjarje tragjike ka tronditur qytetin e Korçës mëngjesin e sotëm, ku 53-vjeçari Jofiel Koço, një astrolog i njohur në mediat shqiptare, ka ndërruar jetë pasi është hedhur nga tarraca e një pallati shtatëkatësh pranë Pazarit të Korçës.

Sipas raportimeve fillestare, Koço, i cili banonte vetëm, është ngjitur në tarracën e pallatit dhe më pas është hedhur, duke rënë fillimisht mbi çatinë e një ndërtese përbri dhe më pas në asfalt, ku humbi jetën menjëherë. Policia ka nisur hetimet për të sqaruar motivet që mund ta kenë shtyrë 53-vjeçarin të kryejë këtë akt tragjik.

Jofiel Koço ishte një figurë e njohur në media, shpesh i ftuar në emisione televizive për të interpretuar astrologjinë dhe yjet. Ai njihej për diskutimet e tij mbi jetën në planetë të tjerë dhe komunikimin me njerëz të tjerë të interesuar në këtë fushë në SHBA dhe Izrael.

Policia ka njoftuar se grupi hetimor është duke punuar për të zbardhur rrethanat e plota të ngjarjes, që ka tronditur banorët dhe tregtarët e zonës.