Trajneri i Mançester Sitit, Pep Guardiola, ka vlerësuar rivalitetin me Arsenalin, skuadrën që është kthyer në një nga pengesat më të mëdha për ekipin e tij gjatë dy sezoneve të fundit. Në prag të ndeshjes së ardhshme mes dy skuadrave, Guardiola tha se “ka qenë gjithmonë një ndeshje e ngushtë në vitet e fundit”.

Skuadra e tij, e vetmja me pikë të plota në Premier Ligë pas katër javëve të para, e pranon se Arsenali është një ekip i fortë. “Unë mendoj se ne jemi një ekip i mirë, por edhe ata janë të mirë. Ata bëjnë shumë gjëra të mira dhe janë një ekip i kompletuar. Prandaj, ata kanë qenë rivalët tanë më të mëdhenj në dy sezonet e fundit,” theksoi Guardiola.

Pavarësisht rëndësisë së tabelës në këtë fazë të hershme të sezonit, Guardiola theksoi se atmosfera për ndeshjen e ardhshme është ajo që ka më shumë rëndësi. “Do të jetë e rëndësishme kur të shkojmë në Londër në gjysmën e dytë të sezonit. Ata bëhen më të fortë çdo sezon,” shtoi ai.

Kur u pyet për sekretin e suksesit të Arsenalit, Guardiola sugjeroi se duhet pyetur Mikel Arteta për këtë, duke u shprehur se nëse ai do të jepte një mendim, do të interpretohej si lojë mendjesh. “Unë kam pasur gjithnjë një opinion superlativ për të dhe skuadrën e tij. Në të dy sezonet e fundit, ata kanë qenë pranë titullit, por edhe ne kemi qenë dhe vazhdojmë të jemi,” përfundoi ai.