Një person ka mbetur i vrarë pas të shtënave mbrëmjen e sotme në Elbasan. Ngjarja ndodhi në lagjen “Skënderbej” ku ka pasur një përplasje, por ende nuk dihen rrethanat. Personi i plagosur është dërguar në spital por nuk ka mundur të mbijetojë. Everes Çaka ose i njohur më parë si Ibrahim Çaka është viktima nga atentati, teksa trupi i tij ndodhet ende në makinë.
Ai ndodhej brenda një automjeti kur është vrarë me armë zjarri, ndërsa në makinë ndodhej edhe bashkëshortja e tij, Silvana Çaka.Ajo ka marrë një plumb në pjesën e dorës dhe ndodhet në spital jashtë rrezikut për jetën. Ende nuk dihen motivet e krimit.
Everest Çaka është djali i tezes së Arjan Spahiut ekzekutuar në nëntor në Molembeek të Belgjikës. Spahiu ka qenë autor i dyshuar i vrasjes së Gëzim Alikajt, disa vite më parë
Kujtojmë se disa vite më parë po në një atentat në Barcelonë ka humbur edhe vëllanë.
Njoftimi i policisë
Rreth orës 20:10, në lagjen “Skënderbe”, Elbasan, në rrethana ende të paqarta është vrarë me armë zjarri në mjet shtetasi E.Ç, rreth 41 vjeç si dhe është plagosur në dorë bashkëshortja e tij shtetasja S.Ç., jashtë rrezikut për jetën.
Shërbimet e Policisë kanë shkuar menjëherë në vendngjarje dhe kanë
rrethuar zonën.
Janë ngritur pika konrolli në hyrje – daljet në qytetin e Elbasanit dhe vijon kontrolli i zonës.
Grupi hetimor nën drejtimin e Prokurorisë ndodhet në vendngjarje dhe vijon puna për zbardhjen e plotë të shkakut dhe rrethanave të ngjarjes si dhe identifikimin e kapjen e autorit/ve.
