SPAK ka marrë në dorë çështjen e atentatit në Milot ku u vra Klisman Preçi dhe u plagos miku i tij, Ylli Ibrahimi.

Sipas News24, Prokuroria e Kurbinit e ka klasifikuar ngjarjen si një atentat të kryer nga një grup i strukturuar kriminal.

Mësohet se dosja është tërhequr një javë më parë dhe veprimet po kryhen nga Prokurori i SPAK Altin Dumani.

SPAK po kalon në “sitë” të gjithë kundërshtarët e Ylli Brahimit që besohet se ishte shënjestër e atentatit. Bëhet fjalë për një grup të fuqishëm kriminal në zonën e Laçit dhe dyshohet se ngjarja ka ndodhur për prishje të pazareve në aktivitet e tyre kriminale kohëve të fundit.

Kujtojmë se vetëm 2 muaj më parë Preçit (Viktima) bashkë me kushëririn e tij, Blerim Preçi i shpëtuan një atentati teksa udhëtonin me një Benz ML dhe u qëlluan nga një “Audi” e zezë.