Një atentat mafioz ndodhi mbrëmjen e djeshme në Tiranë ku persona të paidentifikuar hapën zjarr në drejtim të një lokali në zonën e Don Boskos duke vrarë një grua, e duke plagosur 5 persona të tjerë.

Nga ngjarja e rëndë, mbeti e lënduar nga copat e xhamave edhe një vajzë 10-vjeçare. Kjo e fundit mësohet se është mbesa e banakieres, Mimoza Paja, e cila u vra aksidentalisht nga plumbat.

Ndërsa të plagosur mbetën Astrit Meraj, 42 vjeç, Emanuel Sala, 47 vjeç, Ermir Bejuku, 45 vjeç, Genc Shohalli, 55 vjeç dhe Sahit Murati, 50 vjeç. Ky i fundit është xhaxhai i Fatjon Muratit dhe dyshohet se ka qene objektiv i atentatit.

Sakaq personat e tjerë të plagosur kane qenë klientë të loklait.