Një ngjarje tronditëse ka tronditur komunitetin e Brookfield, në veriperëndim të Melburnit, pasi policia australiane gjeti eshtrat e një fëmije 18-muajsh me origjinë shqiptare, të varrosur në një varr të cekët në oborrin e një shtëpie.

Hetimet filluan të hënën, pas informacioneve mbi një zhdukje të dyshimtë. Pas gjashtë orësh kërkimesh, trupin e fëmijës u gjet i varrosur vetëm 50 centimetra nën tokë. Ekspertët dyshojnë se eshtrat mund të jenë aty për më shumë se një dekadë.

Mediat vendase raportojnë se fëmija kishte jetuar në atë shtëpi në vitin 2014, bashkë me prindërit dhe vëllezërit e motrat e tij, përpara se familja të largohej nga Australia, ndoshta drejt Shqipërisë. Ai nuk ishte raportuar i zhdukur në atë kohë.

Pronari aktual i banesës, i palidhur me familjen, tha se zbulimi e ka tronditur thellë:

“Diçka e tillë nuk duhet të ndodhë, por ka ndodhur 14 vjet më parë. Shumë e keqe. Shumë e tmerrshme.”

Policia po vijon hetimet për të përcaktuar shkakun e vdekjes dhe nëse ngjarja lidhet me ndonjë akt kriminal. Autoritetet australiane po bashkëpunojnë edhe me autoritetet shqiptare për të verifikuar gjurmët e familjes së fëmijës.