Një aksident tragjik është shënuar mëngjesin e sotëm në autostradën Tiranë-Durrës, ku një person ka humbur jetën. Sipas njoftimit zyrtar, mësohet se një automjet ka dalë nga rruga e për pasojë ka humbur jetën 44 vjeçari me inicialet H.P.
44 vjeçari që humbi jetën sot në aksident në autostradën Tiranë-Durrës është shtetasi Hektor Psatha.

Psatha, ish-portier i Teutës humbi jetën mëngjesin e sotëm pasi automjeti i tij doli nga rruga. Policia po merret me zbardhjen e plotë të aksidentit të rëndë.

Njoftimi i plotë:

Durrës/Informacion paraprak

Në orët e para të mëngjesit, në autostradën Tiranë-Durrës, një automjeti me drejtues shtetasin H. P., 44 vjeç, banues në lagjen nr. 13 Durrës, ka dalë nga rruga dhe për pasojë ka humbur jetën drejtuesi i automjetit.

Grupi hetimor po punon për sqarimin e rrethanave të ngjarjes.