Behar Bajri, emri i të cilit doli në përgjimet e operacionit “Metamorfoza” u arrestuar në Francë më 4 shtator si pjesë e një operacioni ndërkombëtar kërkimi.
Sipas informacioneve të mediave franceze, Behar Bajri është arrestuar nga hetuesit francezë të hënën në Strasburg. Ai ishte në kërkim nga Interpoli dhe i dyshuar si i përfshirë në atentatin ndaj njërit prej rivalëve të tij, ai do të ekstradohet dhe do t’i dorëzohet autoriteteve shqiptare.
Në përgjime zbulohet se Bajri do të vriste Gjin Boriçin (Ndoj) për llogari të Ervis Martinajt, ndërsa ky i fundit thuhet se në këmbim do të vriste Kleant Musabelliun, armik me biznesmenin Pëllumb Gjoka.
“Franca nuk është dhe nuk do të jetë pika e tërheqjes për mafian shqiptare. Me këtë arrestim, ky është mesazhi që autoritetet franceze po i dërgojnë drejtuesve të organizatave kriminale në Evropën Lindore”, theksohet në një shkrim të medies Eurpe 1.
Mediat franceze e përshkruajnë Bajrin si drejtues të një klani mafioz në Shqipëri dhe se ai dyshohet gjithashtu se është përfshirë në atentatin e një prej rivalëve të tij në Shkodër në veri të Shqipërisë në gusht 2020.
E vendosur në Strasburg
Prokuroria Kombëtare Shqiptare e ngarkuar me luftën kundër krimit të organizuar lëshoi një urdhër-arresti më 26 korrik, të shpërndarë me një njoftim të kuq të Interpolit. Falë hetimeve telefonike, hetuesit e Brigadës Kombëtare të Kërkimit të Arratisur (BNRF) të Zyrës Qendrore për Luftën kundër Krimit të Organizuar (OCLCO) arritën të lokalizojnë kriminelin në qytetin e Strasburgut.
Kanë qenë policët e BRI-së në zonën Lindore që e prangosën të hënën, duke iu drejtuar zyrës së Prokurorit të Përgjithshëm të Colmar. Para se të burgosej të martën në qendrën e paraburgimit të Strasburgut, në pritje të ekstradimit të tij në Shqipëri. Sipas informacioneve nga Europe 1, Behar B. kishte aplikuar për azil në vitin 2021 në Francë.
