Avokati i ish-Kryeministrit Sali Berisha, Genc Gjokutaj, ka bërë akuza të rënda në lidhje me sistemin e drejtësisë shqiptare në një postim të fundit në rrjetet sociale. Gjokutaj ka aluduar për lidhje të dyshimta mes një gjyqtareje të Gjykatës së Posaçme Kundër Korrupsionit dhe Krimit të Organizuar (GJKKO) dhe një të arrestuari, si dhe një kandidat burgu që është kërkuar në Vjenë.

Në postimin e tij, Gjokutaj ngre dyshime për një prokuror të SPAK që nuk ka ndërmarrë veprime ndaj këtyre akuzave. Ai shkruan:

“Kush është një gjyqtare e GjKKO që na paska dalë në një telefon të sekuestruar në banesën e një të arrestuari, e që bëka pazare me një kandidat burgu gjoja të kërkuar në Vjenë dhe që merret me objekte që nuk ekzistojnë? Dava 500 mijë € thuhet!

Po kush është prokurori i SPAK që e paska dosjen dhe nuk vepron?

Puseta e Drejtësisë po hapet! Do qelbet Shqipëria, por të paktën do të bjerë rehat!”, shkruan Gjokutaj.

Ky postim ka nxitur një valë reagimesh dhe shqetësimi në lidhje me integritetin e institucioneve të drejtësisë në Shqipëri.