Një ngjarje tragjike ka ndodhur në Kaliforninë e Jugut, ku një babai i katër fëmijëve është qëlluar për vdekje nga një breshëri plumbash në një rrugë të ngarkuar me trafik.

Julio Rodarte, 39 vjeç, ka hapur zjarr me një armë gjysmëautomatikë para makinave në orët e para të mëngjesit të së hënës. Një video e publikuar nga AKTK-ja është bërë virale duke treguar momentin kur 39-vjeçari ka qëlluar me breshëri plumbash.

Viktima, një 43-vjeçar dhe baba i katër fëmijëve, u qëllua me katër plumba ndërsa ishte duke shkuar për në punë. Një tjetër kalimtar është plagosur gjatë sulmit, dhe shumë makina të tjera janë dëmtuar.

Ngjarja filloi kur Rodarte kishte ndaluar në një dyqan për të blerë pije alkoolike, por pasi nuk kishte para të mjaftueshme, ai doli nga dyqani dhe shumë pak kohë më pas filloi të qëllojë.

Raportimet tregojnë se autori ka qëlluar të paktën 30 herë dhe më pas është zhveshur. Ai është arrestuar nga policia për vrasje të shkallës së parë, tentativë grabitjeje dhe rezistencë ndaj autoriteteve.

Gruaja e viktimës ka nisur një fushatë për të mbuluar shpenzimet e funeralit dhe ka mbledhur më shumë se 40 mijë dollarë.