Një baba është dënuar me burgim të përjetshëm për vrasjen e djalit të tij një muajsh, Ollie Davis, i cili u gjet i pajetë në krevatin e tij me një sërë lëndimesh të rënda, duke përfshirë këputjen e qafës. Nëna e foshnjës gjithashtu është dënuar për shkaktimin ose lejimin e vdekjes së fëmijës së saj, si dhe për shkaktimin e lëndimeve të rënda fizike.

Gjatë gjyqit, u zbulua se Ollie kishte pësuar një sërë lëndimesh të rënda që rezultuan në vdekjen e tij. Gjykatësi vlerësoi se veprimet e babait ishin të tmerrshme dhe kishin shkaktuar dhunë të shkallës së konsiderueshme ndaj fëmijës së tij. Këto veprime u cilësuan si brutalitet dhe indiferencë ndaj vuajtjeve të viktimës.

Gjykatësi tha se ishte i sigurt se Davis i kishte shkaktuar të gjitha plagët gjatë katër “episodeve” të dhunës brenda natës dhe kishte treguar “indiferencë të ashpër” ndaj vuajtjeve të Ollie duke mos kërkuar ndihmë mjekësore.

“Nuk kam asnjë dyshim se gjatë natës je i frustruar dhe i zemëruar dhe kjo ka çuar në dhunë të tmerrshme”, i tha gjyqtari. “Ju e keni sulmuar atë në shumë raste. Sulmet në format e tyre të ndryshme ishin gjithashtu brutale – veçanërisht lëndimi fatal i qafës.”

Gruaja u burgos për shtatë vjet, pasi u shfaq në sallën e gjyqin me një karrocë për shkak të një gjendjeje kronike neurologjike. Hetimi mjekësor zbuloi se Ollie kishte pësuar gjithsej 37 fraktura.