Kryetari i Grupit Parlamentar të Partisë Socialiste, Taulant Balla, ka reaguar me ironi në rrjetet sociale lidhur me zhvillimet e fundit në radhët e “Foltores”, duke i krahasuar aktivitetet e opozitës me organizime familjare.

Përmes një postimi, Balla shprehet se tubimet e opozitës i ngjajnë më shumë përkujtimoreve sesa aktiviteteve politike, duke nënvizuar mungesën e mbështetjes së gjerë qytetare.

“Ishin më mirë me ato fejesat, apo ziafetet siç i thonë, se na vinin dhe krushqit e bënin sikur ishin shumë. Po këto përkujtimoret nuk shtyhen fare, se nuk vijnë as krushq, vetëm njerëzit e shtëpisë”, shkruan Balla, duke përdorur tone ironike.

Reagimi i tij synon të theksojë, sipas socialistëve, faktin se tubimet e opozitës nuk po arrijnë të mobilizojnë mbështetje të gjerë dhe po mbeten të kufizuara vetëm brenda rrethit të tyre politik.