Gjatë një replike të nxehtë në Kuvend, kreu i grupit parlamentar të PS-së, Taulant Balla, i është kundërpërgjigjur ashpër deputetit të opozitës, Agron Shehaj, duke bërë një koment të drejtpërdrejtë edhe për kryetarin e PD-së, Lulzim Basha.

Balla theksoi se sipas Kushtetutës, kryeministri mund t’ia delegojë interpelancën ministrave, duke kritikuar Shehajn për angazhimin e tij në debatin mbi Avokatin e Popullit:

“Pusho ti njëherë, ty s’të kam në refene. Shko merru me Lulin, fërkohu me Lulin, e di shumë mirë Luli si i sillte çantat. Më e mua do merresh ti?”

Gjatë fjalës së tij, Balla ironizoi opozitën dhe mënyrën se si ata shpesh organizohen për të mbledhur firma për kandidatë, duke shtuar:

“Uhuuu! Çoheni ju me buton 10 veta këtu?! Kështu i jepni firmat ju? Me të çuar në këmbë? Çohuni, Agron Shehaj, Avokat Populli!”

Replika e Ballës thekson tensionin mes mazhorancës dhe opozitës në diskutimet për zgjedhjen e Avokatit të Popullit, duke sjellë një atmosferë të ashpër dhe me tone ironike në foltoren e Kuvendit.