Në selinë e Partisë Socialiste mëngjesi i ditës së hënë ka nisur me një mbledhje e grupit parlamentar.

Në mungesë të kryeministrit Edi Rama, kreu i grupit parlamentar të Partisë Socialiste, Taulant Balla do të drejtojë tryezën e takimit me deputetët socialistë. Pjesë e diskutimeve priten të jenë “Këshillimi Kombëtar” dhe zgjedhjet e pjesshme lokale të 6 marsit.

Kujtojmë që kryeministri Edi Rama është nisur për një vizitë zyrtare 4 ditore drejt Shteteve të Bashkuara të Amerikës. Rama do të ketë një takim me sekretarin amerikan të shtetit Anthony Blinken. Ky takim i Ramës vjen pas vendimit se SHBA dhe vendi ynë të jenë bashkëpenëmbajtës të çështjes së Ukrainës në Këshillin e Sigurimit të Kombeve të Bashkuara.