Kryedemokrati Lulzim Basha, gjatë konferencës së mbajtur në lidhje me aferën e inceneratorëve, komentoi dhe deklaratat e nënkryetarit të LSI Petrit Vasili se banda e inceneratorëve e detyroi atë të mos pranonte anëtarë nga LSI në Komisioni Hetimor.

Basha u shpreh se të thuash një gjë të tillë për ata që denoncuan mafian e inceneratorëve është njësoj si të thuash pse u martove kur do fëmijë.

“Sot e ka radhën maja e trekëndëshit të Bermudës dhe do rri aty. Po u them shqiptarëve se donin të sillnin plehra nga jashtë dhe në saj të presionit nga partia Demokratike dhe shoqëria civile u detyruan të tërhiqeshin. Në një moment ka shkuar në një forcë tjetër politike, i është bashkangjitur një pjesë të kallëzimit, i dimë arsyet se pse, na bashkon qëllimi për të mbrojtur interesin publik. Shumë mirë e të shkojmë përpara.

Komisioni për inceneratorët është ngritur për t’i dhënë betejës tonë instrumentin e vetëm që ka opozita. Pasi dy instrument ka qeveria, të drejtën e fjalës dhe Komisionin Hetimor. Të thuash pse ngrite komision për inceneratorët se do të mbrosh inceneratorët, kjo i bie të thuash pse u martove kur do fëmijë”, tha Basha.