Nesër, ndërsa Kuvendi pritet të mblidhet në seancë plenare, jashtë godinës do të zhvillohet një protestë qytetare.
Rreth orës 9:00, banorë të Rrjollit të Velipojës dhe ata të prekur nga projekti TID në Durrës do të mblidhen para Kuvendit për të kërkuar mbrojtjen e pronave të tyre. Protestuesit shprehin shqetësimin se pronat e tyre po zaptohen dhe akuzojnë autoritetet për leje ndërtimi të dhëna në mënyrë të padrejtë.
Banorët e Rrjollit kanë akuzuar veçanërisht ministren Belinda Balluku, duke thënë se firma e saj ka lejuar ndërtimin e një resorti në tokat e tyre pa marrë parasysh interesat e komunitetit.
