Zgjedhja e Mateos si banori më i preferuar nga publiku në prime të së martës ka shkaktuar debate të forta brenda shtëpisë së Big Brother.

Sipas Mirit, Mateo u zgjodh për shkak të historisë me Brikenën, ndërsa Rogerti komentoi: “Mateos i ka hyrë vetja në qejf me një televotim që zgjati 1-2 orë”. Miri shtoi: “Ka parë Brikenën dhe hyri me qëllimin ‘dua të lidhem me këtë vajzën’. Brikena nuk ia vari fare dhe hyri në lojë duke na sulmuar pasi e pa që nuk kishte histori dashurie. Njerëzit duan të dinë sa e pastër është kjo histori dashurie. Sa për gjuhën e përdorur do ta injorojnë në vazhdim”.

Nga ana tjetër, Brikena doli në mbrojtje të Mateos: “Momentin që u zgjodh Mateo i preferuar, banorët e tjerë kanë plasur nga inati. Mateo u zgjodh se është njeri i sinqertë, jo për historinë me mua”.