Zbardhja e vendimit të kryesisë së PD zyrtare, ka bërë që anëtarët të cilët janë pro zgjedhjeve të 29 korrikut për kreun e ri të partisë, të kërkojnë përgatitjet për procesin.

Por, referuar burimeve pranë selisë blu, News 24 raporton se sekretari i Përgjithshëm i PD-së, Gazment Bardhi ka kërkuar zbatimin e Statutit të partisë, duke kërkuar mbledhjen e Këshillit Kombëtar, si organi i cili duhet te miratoje vendimin e Kryesisë.

Edhe në zgjedhjet e kaluara, procedura që është ndjekur më 16 majit të vitit 2021, ka qenë fillimisht Kryesia ka marre vendimin për mbajtjen e zgjedhjeve për kryetar dhe më pas ka qenë Këshilli Kombëtar ai i cili ka miratuar vendimet e mara.

Burime bëjnë me dije se shumica e Kryesisë që votuan pro 29 korrikut, nuk kërkojnë mbledhjen e Këshillit Kombëtar, por kërkojnë që organizimin e zgjedhjeve ta kryejë vetë ky forum. Burime të besueshme pranë PD-së zyrtare, tregojnë se Gazment Bardhi kërkon zbatimin e Statutit, duke thirrur për miratimin e vendimeve të Kryesisë, Këshillin Kombëtar.