Kreu i PD, Lulzim Basha ka nisur sot turin e takimeve nga Vlora ku është pritur nga dhjetëra qytetarë.

Kreu i PD, Lulzim Basha ka deklaruar  para qytetarëve të Vlorës se Rama më 25 prill, të dielën largohet bashkë me kriminelët.

Basha thotë se Rama nga paniku këto ditët e fundit i është kthyer sërish marifeteve të vjetra, por ai siguron se shqiptarët më 25 prill, me paqe e vendosmëri do të shkojnë masivisht tek kutitë e votimit.

Ai shton se fitorja e PD më 25 prill do i takojë gjithë shqiptarëve, demokratëve dhe socialistëve kokëulur.

Basha ka folur në Vlorë gjithashtu edhe për video-përgjimin e publikuar për kreun e Kadastrës, Artan Lame duke theksuar se Rama tashmë do të prishë 110 mijë shtëpi.

Ai thotë se përsëri Rama do të gënjejë shqiptarët me legalizimet, por pas 25 prillit nuk mban asnjë premtim, por u kthen shpinën shqiptarëve.