Kreu i Partisë Demokratike Lulzim Basha ka pritur sot në takim kreun e PDK-së Memli Krasniqi, i cili prej ditës së djeshme ndodhet në një vizitë zyrtare në Shqipëri.

Basha tha se me kreun e PDK-së kanë njohje të vjetra mes tyre, dhe së bashku kanë folur mbi domosdoshmërinë e forcimit të marrëdhënieve mes dy vendeve.

Basha: Pata kënaqësinë që ti uroj mirëseardhjen mikut tim Memli Krasniqi, përgëzoj PDK për rolin e jashtëzakonshëm në krijimin e shtetit të Kosovës, folëm për zhvillimet e fundit për dialogun mes Kosovës dhe Serbisë, ku PD qëndron fuqimisht te objektivi, që është njohja e ndërsjelltë mes dy vendeve. Është një shans i mirë që me ndihmën e SHBA dhe BE të kalohen barrierat. Ndamë mendimet tona për forcimin e luftës kundër korrupsionit në funksion të mirëqenies së qytetarëve.

Krasniqi: Jo vetëm si dy liderë të opozitës në vendet tona, por edhe si udhëheqës partish që kanë pasur bashkëpunime prej shumë vitesh, si dy parti që i përkasin boshtit të qendrës së djathtë. Diskutuam për brengat e përbashkët, ka shumë sfera që kanë nevojë për të forcuar bashkëpunimin me dy vendeve, pavarësisht se jemi në qeveri apo opozitë ne bashkëpunimin e kemi të padiskutueshëm.

E falenderova zotin Basha për gadishmërinë për të thelluar bashkëpunimin dhe koordinimin mes dy partive tona, ne do të vazhdojmë bashkëpunimet. I urova sukses në procesin zgjedhor, i cili duhet të vendosë në ballë vullnetin e qytetarëve. Ne si Kosovë kemi të drejtë të japim mend, pasi kemi arritur që ta konsolidojmë këtë proces.