Bashkia e Tiranës dhe Ministria e Drejtësisë kanë firmosur marrëveshjen e bashkëpunimit që personat e dënuar për vepra të lehta penale të punësohen nga bashkia për punë në komunitet.

Sipas Veliajt kjo është  një mundësi tjetër për të miturit ose personat e dënuar për shkelje jo të rënda të ligjit, që ta shlyejnë dënimin duke kryer punë në interes të shoqërisë.

“Do jetë realisht e dobishme për komunitetin dhe kur marr parasysh bëhet fjalë për shkelje të një kategorie të lehtë dhe njerëz që kanë një arsim dhe një profesion. Njerëz që mund ti vendosin këto orë në dispozicion të shoqërisë. Në Tiranë nga 3500 dënime nga të cilat 700, 20% janë me orë pune në komunitet, nga kjo listë e gjatë 700 qytetare lirohen nga obligimi, duke bërë diçka të dobishme. Ata rehabilitohen.

“Tani që fillon edhe sezoni i plazhit ka nevojë për pastrim dhe mezi pres që duke filluar nga kjo stinë ne të mirëpresim ata bashkëqytetare që besojnë se riintegrohen në mënyrë dinjitoze”, tha Veliaj.

Ministri i Drejtësisë, Ulsi Manja tha kjo marrëveshje ka një përfitim të dyanshëm, si për qytetarët që duhet të kryejnë dëmimin e tyre, ashtu edhe për sistemin e drejtësisë.

“Ne do të vëmë në dispozicion të Agjencisë së Parqeve dhe Rekreacionit të gjithë personat e dënuar në konflikt me ligjin, por edhe të miturit e dënuar në konflikt me ligjin me dënim alternativ, punë-interes-publik që ta shlyejnë këtë dëm që i kanë shkatuar interesit publik nëpërmjet punës. Kjo aplikohet në të gjitha vendet e Europës dhe shkon me përputhje edhe me qëllimin e dënimit, që është rehabilitimi dhe riintegrimi social i personave të dënuar në konflikt me ligjin. Përfitimi nga kjo marrëveshje është dyanshëm. Për ne si Ministri e Drejtësisë, si Shërbimi i Provës që mbikqyrin këto dënime, është rehabilitimi dhe integrimi në kohë i këtyre personave, ndërsa publiku, shoqëria në krahun tjetër, kompesohet për dëmin që i kanë shkaktuar këta persona”, përfundoi Manja