Bayern Munich është gati për përballjen vendimtare kundër Bayer Leverkusen në derbin gjerman të Champions League. Pas humbjes së papritur ndaj Bochum, bavarezët synojnë të rikthehen te fitorja dhe të sigurojnë një rezultat që nuk lë vend për surpriza.

Trajneri Vincent Kompany theksoi rëndësinë e vazhdimësisë dhe qasjes maksimale ndaj sfidave të mëdha:
“Pika e nisjes duhet të jetë gjithmonë ëndërrimi i madh dhe kërkimi i maksimumit. Më pas, bëhet fjalë për të punuar çdo ditë për ta realizuar atë ëndërr.”

Bayern synon ta mbyllë ndeshjen sa më shpejt, për t’u fokusuar te sfidat e ardhshme. Nëse kualifikohen, ata mund të përballen me Interin e Simone Inzaghit në fazën tjetër.

Vincent Kompany shtoi gjithashtu se qëndrueshmëria është çelësi i suksesit në kompeticionet e mëdha:
“Duhet të jesh konstant, jo vetëm për një vit apo një ditë, por gjithmonë. Ata që kanë fituar më shpesh Champions-in, shpeshherë e kanë humbur gjithashtu. Duhet të jesh vazhdimisht aty dhe të përpiqesh ta çosh skuadrën sa më larg të jetë e mundur.”

Një faktor shtesë motivimi për Bayernin është fakti që finalja e Champions League do të zhvillohet në “Allianz Arena”, një mundësi historike për ta fituar trofeun përpara tifozëve të tyre.