Bashkimi Evropian i ka bërë thirrje Serbisë që të mos kufizojë lirinë e individëve, përfshirë shtetasit e huaj, dhe ka përsëritur se në bllokun evropian nuk ka vend për ata që mohojnë gjenocidin në Srebrenicë. Këto deklarata u bënë për Radion Evropa e Lirë nga një zëdhënës i BE-së, duke iu përgjigjur pyetjeve në lidhje me pranimin e Serbisë se ekzistojnë lista të shtetasve të huaj që mund të ndalohen dhe të merren në pyetje nga shërbimi sekret për shkak të qëndrimeve të tyre.

Disa ditë më parë, shërbimi sekret i Serbisë (BIA) ndaloi dhe mori në pyetje për disa orë këngëtaren kroate, Severina Vuçkoviç. Sipas deklaratave të bëra nga këngëtarja, ajo u pyet për qëndrimet e saj rreth gjenocidit në Srebrenicë. Vuçkoviç ka bërë thirrje disa herë që të mos mohohet gjenocidi në Srebrenicë dhe për këto deklarata ajo ishte kritikuar nga mediat proqeveritare në Serbi.

“Në kontekstin e negociatave të Serbisë për anëtarësimin në BE, Komisioni Evropian ndjek nga afër zhvillimet në fushën e sundimit të ligjit, përfshirë mbrojtjen e të drejtave dhe lirive themelore, të cilat janë elemente kyçe në procesin e anëtarësimit të Serbisë. Përderisa është legjitime që Serbia të bëjë kontrolle të sigurisë në kufijtë e saj, është e rëndësishme që kjo të bëhet në përputhje me kornizën ligjore të Serbisë dhe standardet evropiane dhe ndërkombëtare për të drejtat e njeriut”, tha zëdhënësi i BE-së.

Ai shtoi se kontrollet në kufi “nuk duhet të rezultojnë me kufizimin e lirive të individëve, përfshirë edhe shtetasit e huaj”. Për BE-në është veçanërisht problematike kur masat ndaj individëve të caktuar merren