Gjatë konventës së Partisë Demokratike të Kosovës, të mbajtur pasditen e 17 nëntorit, Bedri Hamza është zgjedhur kryetar i ri i partisë.

Zgjedhja e tij u bë përmes votimit të hapur, pa kundërkandidat dhe asnjë votë kundër. Kjo vjen pas dorëheqjes së Memli Krasniqit, i cili ka lënë kreun e PDK-së ditë më parë.

Bedri Hamza, 62 vjeç, ka shërbyer dy herë si ministër i Financave të Kosovës dhe gjatë katër viteve të fundit ka udhëhequr komunën e Mitrovicës së Jugut. Në zgjedhjet parlamentare të 9 shkurtit, ai ishte kandidati i PDK-së për kryeministër.

Si figura e vetme që shpalli kandidaturën për kryetar, Hamza merr drejtimin e partisë së dytë më të madhe në Kosovë, duke synuar të forcojë rolin e saj në skenën politike.