Një aksident i rëndë ka tronditur Arabinë Saudite, ku të paktën 45 pelegrinë indianë kanë humbur jetën pranë qytetit të shenjtë të Medinës.

Sipas mediave ndërkombëtare, viktimat po vizitonin vendin e shenjtë të Mekës kur autobusi i tyre u përfshi në aksident, duke u kthyer në një nga më vdekjeprurësit në vend vitet e fundit. Nga 46 persona që ndodheshin në autobus, vetëm një prej tyre ka mbijetuar.

Ngjarja është veçanërisht tragjike për një familje të madhe pelegrinësh, ku 18 anëtarë, përfshirë nëntë fëmijë, kanë humbur jetën. Viktimat kryesisht vinin nga Hyderabad në Indinë qendrore.

Autoritetet indiane dhe saudite po punojnë për hetimin e ngjarjes dhe sigurimin e ndihmës për të mbijetuarit dhe familjarët e viktimave.