Supermodelja Bella Hadid është imazhi i ri i fushatës së Miss Sixty, reklamat e së cilës tashmë janë shfaqur në rrugët e Milanos.

Në fotot e publikuara nga Daily Mail, motra e Gigi Hadid duket mahnitëse me format e saj të tonifikuara, të theksuara nga vaji i trupit. Ajo ka veshur një bluzë të ngushtë të verdhë, e cila i nxjerr në pah elegancën dhe stilin unik.

Flokët gështenjë i ka mbledhur në një bisht koketë, ndërsa grimi i saj është në tone të errëta, duke i dhënë një pamje akoma më tërheqëse. Bella, e cila shfaqet e nxirë, e ndau këtë moment me ndjekësit e saj në Instagram, duke shkruar:

“Fushata @misssixty nga @carlijnjacobs.”

Fushata e re e Miss Sixty ka marrë vëmendje të madhe, duke konfirmuar edhe një herë se Bella Hadid mbetet një nga modelet më të kërkuara të momentit.