Kreshnik Kurta, 34 vjeç është arrestuar nga policia pasi në bashkëpunim me një tjetër shqiptar dhe 2 italianë, të cilët janë në kërkim, bënin blerje fiktive të floririt dhe transferonin paratë e krimit nga Italia drejt Shqipërisë. Për të katërt, Prokuroria e Tiranës kërkon masën e sigurisë ‘arrest me burg’.

Tre bashkëpunëtorët në kërkim janë identifikuar si Kejda Kurti, administratore e një shoqërie fiktive në Tiranë si dhe 2 italianët, Pietro Cosentino dhe Nicoletta Trebbi, që akuzohen për veprat penale “Fshehja e të ardhurave” dhe “Pastrimit të produkteve të veprës penale ose të veprimtarisë kriminale”.
Prokuroria Tiranë sqaron se ata kryenin një skemë e mirëfilltë e transferimit të shumave monetare me prejardhje të dyshuar kriminale nëpërmjet sistemit bankar nga Italia me destinacion Shqipërinë.