Një aksident rrugor ka ndodhur pak më parë në By Pass-in në dalje të qytetit të Beratit, në lagjen “Uznovë e madhe”. Në këtë ngjarje tragjike, një automjet tip “Skoda Fabia” me targa AB 685 CH ka humbur kontrollin dhe ka marrë para dy shtylla të ndriçimit të rrugës.

Automjeti është shkatërruar totalisht në pjesën e përparme, por me fat, drejtuesi i 28-vjeçar ka dalë nga mjeti pa lëndime. Efektivë të shumtë të qarkullimit rrugor kanë shkuar në vendngjarje dhe po kryejnë veprimet e para për të kuptuar shkaqet dhe dinamikën e aksidentit.

Burime nga vendngjarja raportojnë se shpejtësia përtej normave të lejuara mund të jetë shkaku i këtij aksidenti. Pasojë e ngjarjes, rruga e By Pass-it vazhdon të jetë pa ndriçim për më shumë se gjysmë orë. Autoritetet po punojnë për rikthimin e normalitetit dhe hetimin e plotë të ngjarjes.