Në Mbrëmjen Gala “Topi i Artë”, ku një hapësirë e veçantë i kushtohet Kombëtares shqiptare, kapiteni Berat Gjimshiti u nderua me çmimin prestigjioz “Lojtari i Vitit i Kombëtares” për të dytin vit radhazi.
Çmimin ia dorëzoi vetë Kryeministri Edi Rama, duke vlerësuar kontributin e jashtëzakonshëm të Gjimshitit në arritjet historike të Kombëtares. Nën udhëheqjen e tij, Shqipëria siguroi kualifikimin në fazën play-off të Kupës së Botës, ku për herë të parë në histori do të synojë të marrë një vend në Botërorin 2026.
Vlerësimi për “Lojtarin e Vitit i Kombëtares” u vendos përmes votave të vetë futbollistëve të Kombëtares, duke reflektuar respektin dhe mirënjohjen e bashkëlojtarëve për performancën dhe udhëheqjen e kapitenit Gjimshiti.
