Lideri i opozitës, Sali Berisha, ka akuzuar kryeministrin Edi Rama se po vepron me panik dhe tmerr për të dalë nga “rrethi i kuq” pas skandaleve të fundit që lidhen me Belinda Ballukun dhe Mirlinda Karçanajn.

Sipas Berishës, dosjet e hetimeve për vjedhje dhe abuzime nuk lidhen thjesht me Ballukun ose Karçanajn, por përbëjnë një ngarkesë të rëndë mbi vetë kryeministrin: “Rama është i tmerruar. Po shpenzon dhjetëra e qindra milionë për të dalë nga rrethi i kuq, por nuk shpëton dot nga lidhjet me kartelet e drogës, të cilat tashmë janë evidentuar. Dosja Balluku dhe dosja e AKSHI-t janë gurë të rëndë mbi shpatullat e tij. Pra, kjo nuk është dosja e Mirlindës apo e Belindës, por dosja e Ramës dhe Lindës së Surrelit”, tha Berisha.

Ai shtoi se reagimi i kryeministrit ndaj qytetarëve dhe kritikëve tregon arrogancë dhe panik: “Ai është kaq i tronditur, sa edhe fjalës normale të një fermeri i përgjigjet me arrogancë, duke mos kontrolluar veten”.