Kryetari i Partisë Demokratike, Sali Berisha, reagoi ashpër pas protestës së mbrëmshme, duke dënuar dhunën ndaj gazetarëve dhe demonstruesve. Ai tha se ngjarjet janë të dokumentuara me pamje filmike dhe përmendi rastin e gazetarit Arjan Hasimi, i cili mbeti i asfiksuar nga përdorimi i gazit, si dhe një demonstrues me aftësi të kufizuara, i tërhequr zvarrë dhe hequr nga karrigia e tij.
Berisha akuzoi autoritetet se përdorën gaz me qëllim për të penguar gazetarët në detyrën e tyre dhe njoftoi se 25 persona u ndaluan, nga të cilët 17 u arrestuan pa prova konkrete. Ai e cilësoi këtë si një akt të qëllimshëm dhe të papranueshëm, duke folur për një situatë “barbare” ndaj pjesëmarrësve në protestë.
