Kryedemokrati, Sali Berisha, ka denoncuar në një konferencë për shtyp një lidhje të pretenduar mes Erion Veliajt, kryebashkiakut të Tiranës, dhe Klotilda Bushkës, kryetares së Komisionit Parlamentar të Ligjeve. Berisha akuzoi Velinë se ka shembur shtëpi duke thënë se ato ishin pronat e Bushkës, ndërsa për këtë ka pasur edhe denoncime të tjera nga ana e tij.

Berisha u shpreh se ka denoncuar këtë lidhje dhe veprime të tjera të dyshimtë disa herë më parë, duke sjellë një rast të vitit të kaluar ku Klotilda Bushka ka propozuar një amendament për të shtuar 500 milionë lekë për djegësin e Tiranës, një propozim që sipas tij ishte jashtë çdo rregulli ligjor, pasi ajo e solli amendamentin oral dhe e miratoi pa konsultim me Ministrinë e Financave.

Për Berishën, lidhja mes Veliajt dhe Bushkës është e dokumentuar dhe një akt kriminal. Ai theksoi se këta individë janë në fundin e karrierave të tyre dhe se parlamenti aktual është në “grahmat e fundit”.