Gjatë përfundimit të marshimit të sotëm në Tiranë, ish-kryeministri Sali Berisha u shpreh se protesta kishte shpërfaqur fuqinë dhe unitetin e qytetarëve kundër qeverisë aktuale. Ai e cilësoi marshin si “marshin e fitores” dhe garantoi se veprimet e qytetarëve do të shënohen historikisht.

“Heronj të vërtetë jeni! Tirana në tërë ekzistencën e saj nuk ka njohur një marshim triumfi si marshi juaj sot. Kjo datë, 28 shkurti, do të gdhendet me gërma të arta në historinë e kryengritjes paqësore të shqiptarëve kundër narkoshtetit,” tha Berisha.

Ai shtoi se qytetarët kishin dërguar një mesazh të qartë dhe të fortë miqve ndërkombëtarë dhe se protesta kishte shkaktuar “tmerrin dhe frikën” tek Edi Rama. Berisha përmendi gjithashtu përpjekjet e policisë për të devijuar marshimin, duke nënvizuar se “Edi Rama nuk banonte aty miq. Edi Rama banonte tek vila e Mehmet Shehut. Prandaj Edi tani fut jo një agjent, por edhe 120 agjentë po të fusësh, nuk do mund të devijosh më.”

Duke theksuar rëndësinë e paqësisë gjatë marshimit, Berisha dënoi përdorimin e dhunës kundër protestuesve:

“Dënoj me forcën më të madhe dhunën jashtë çdo lloj shkaku të përdorur ndaj protestuesve me urdhër të Edi Ramës. E patë dhe vetë, në një kohë kur ne po rrinim të qetë, topat e ujit i drejtoi drejt Sali Berishës, por i them se je i pashpresë o budalla.”

Berisha përfundoi duke vlerësuar pjesëmarrësit si protagonistë të një fitoreje simbolike dhe duke theksuar se marshimi ishte një hap drejt largimit të qeverisë nga pushteti, sipas tij, “aty ku e meriton, në koshin e plehrave të historisë”.