Marshimi i protestës së Partisë Demokratike, i cili nisi rreth orës 18:30 në Tiranë, u mbyll pas disa orësh para selisë blu. Protestuesit u mblodhën përpara godinës ku kryetarët e partisë, Sali Berisha dhe Flamur Noka, dhanë mesazhin përfundimtar.
“Sot Rama ka përjetuar një makth të madh, fundi po i troket,” deklaroi Noka nga shkallët e selisë. Ai shtoi se protestuesit i dhanë një “goditje tjetër narkoregjimit” dhe se dhuna dhe terrori i ushtruar gjatë ditës tregojnë se “narkoregjimi është në grahmat e tij të fundit”.
Flamur Noka u shpreh gjithashtu se qytetarët kanë dhënë mesazhin se në Shqipëri ka shpresë dhe liria është shumë afër:
“Fundi po i troket. Asgjë nuk e ndal nga kryengritja dhe revolta e qytetarëve për të shporrur këtë narkoregjim. E patë, u mundua të bëjë takim në Pallat të Brigadave për ta fshehur, por deputetët e tij e rrodhën.”
Ai akuzoi gjithashtu kryeministrin Edi Rama për shpallje armikësh ndaj Gjermanisë, ministrit të jashtëm Vadeful dhe ngarkuarës me punë të SHBA-së, zonjës VanHorn, duke e përshkruar situatën si paranojike.
