Në seancën e sotme plenare, Berisha e mori fjalën për pak minuta deri sa u ndërpre ngakryetarja e parlamentit Lindita Nikolla. Ai foli për Komisionin Hetimor ku sqaroi se në bazë të neneve të Kushtetutës pasi firmos 1/4 e deputetëve, kërkesa duhet pranuar.

Më tej ai rikthehet te skandali Mc Gonigal dhe përsërit që veprimtaria e tij është korruptive dhe se lidhet me “shkatërrimin” e opozitës

Sakaq Berisha tha: “Po shkelni një nen themelor të Kushtetutës së Shqipërisë i cili detyron parlamentin të ngrejë komisione hetimore pasi firmos 1/4 e deputetëve.

Deputetët e parlamentit kanë zgjedhur një kërkesë për Komision Hetimor për një nga aferat më tronditëse të kohës, implikimin direkt të kreut tuaj në rekrutimin, korruptimin e Mc Gonigal si një vrasës me pagesë kundër opozitës.

Veprimtaria Rama-Mc Gonigal ka degëzime të mëdha në Tiranë, janë një seri çështjes që duhet të marrin përgjigje.

Kurrë Shqipëria nuk duhet të kapërcejë këtë skandal për një njeri që shikon vetëm plotësimin e kushteve për interesat e tij personale.

Kemi të bëjmë me një nga aktet më të shëmtuara, antikushtetuese ku përdorën të gjitha mjete kundër opozitës.

Kemi të bëjmë me një grup mafioz që gjobit ata që i dalin kundër.”