Një tjetër propozim sipas Berishës që është refuzuar është denoncimi i genocidit serb në Kosovë, që sipas tij është refuzuar nga kryeministri Rama, të cilin e cilësoi si argat të Vuçiç.

Ndërkohë ai ka paralajmëruar se do të paraqesin edhe një rezolutë që denoncon genocidin në Lumë, në vitin 1913. Por gjatë kohës që rikujtonte ngjarjet makabre nga serbët, Berisha u shpreh se krimet monstruoze kanë ndodhur në vitin 2013. Më pas ai u korrigjua nga kolegët të cilët i rikujtuan se krimet kanë ndodhur në 1913.

Sali Berisha vijon sulmet ndaj kreut të qeverisë se ka vrarë opozitën shqiptare dhe insiston se s’mund t’i shpëtojë drejtësisë. Berisha thotë se do të insistojnë ngritjen e komisioneve për cështjen McGonigal. Po ashtu supozon se implikimi në gjobëvënie i Ramës arrin deri në 50 mln euro.
.
Pas lustracionit, Sali Berisha insiston që një tjetër ligj që duhet të shqyrtohet është parashkrimi i veprës penale që të mos përjashtohet korrupsioni dhe krimi i organizuar i kryer nga zyrtar të lartë si kryeministri, ministrat dhe organe të tjera të larta.

“Ligji tjetër, jashtëzakonisht i rëndësishëm që pret, është ligji i parashkrimit. Parashkrimi është një amnisti për hajdutët dhe kjo nuk mund të ekzistojë për zyrtarët e lartë. Qytetarët e tjerë le të gëzojnë këtë të drejtë, por zyrtarët e lartë nuk duhet ta gëzojnë në asnjë mënyrë.

Sepse siç e shihni, heqja e imunitetit ka zero efekt, kur tjetri ka kontroll total mbi drejtësinë. Ne duhet të marrim çdo masë që askush që e kryen korrupsion, të mos shpëtojë deri në ditën e fundit të jetës së tyre”, tha Berisha.