Kreu i PD-së Sali Berisha tha se PD ishte ajo që u vu në ballë në mbrojtjen e Kosovës me sloganin ‘një komb, një qëndrim’ në 1998, duke nxjerrë në foltoren e parlamentit edhe një video të kësaj force, ku shfaqeshin Hashim Thaçi dhe Jakup Krasniqi në selinë e PD.

Berisha tha se PD bëri gjithçka për pavarësinë e Kosovës, duke akuzuar Ramën se bërië gjithçka për copëtimin e saj.

“Unë  njoh kontributin e disa socialistëve. Por nuk harroj kur shefat e kësaj partie deklarojnë se do vijnë rambot e Amerikës, kur kërkuan që NATO të vendosej mes Shqipërisë dhe Kosovës., Ky që i lejon vetes një gjuhë halabaku shiste ikona të vjedhura në Paris ndërkohë që në Kosovë derdhej gjaku i të rinjve. E kam dënuar atëherë raportin e Dick Martyt.

Nuk votohet raporti në këshill, Është votuar rezoluta që nuk ka asnjë fjalë as për shtëpinë e verdhë dhe as për shtëpinë e bardhë. Shqipëria votoi dhe do ta votonte 100 herë. Po të mos e kishte votuar do pranonte fajësinë. Unë këtë rezolutë e mbështes dhe e kam konsideruar që në fillim. Shqipëria me zbardhjen e të vërtetave nga Gjykata e Hagës duhet ta hedhë atë si për familjen Katuci por edhe për emrin e Shqipërisë që paraqiti një vend ku shkuleshin organe.

Dy fjalë kam këtu për zotërinjtë lidhur me qëndrimin e PD-së. Ka një foto këtu nga mitingu i vitit 1998 dhe ka një video këtu është me Hashim Thaçin dhe Jakup Krasniqin kjo video në selinë e PD. Në qoftë se Edi Rama, Fatos Klosi dhe Frederik Ymeri merreshin me afera të zeza, PD dilte në ballë me kërkesën një komb një qëndrim. Ky është problemi dhe e arrestuat Hashim Thaçin se futët në spiral të lojërave të rrezikshme ballkanike”, tha Berisha.