Gjykata Kushtetuese ka caktuar datën 17 dhjetor 2025, në orën 10:00, për shqyrtimin e padisë së paraqitur nga kreu i Partisë Demokratike, Sali Berisha. Seanca do të zhvillohet pa praninë e palëve dhe do të bazohet vetëm në dokumentacionin e dorëzuar në proces.

Në padinë e tij, Berisha kërkon që të shpallet antikushtetues vendimi i dhënë në shtator dhe dhjetor të vitit 2024, me të cilin ndaj tij u vendos masa e arrestit në shtëpi.

Gjykata Kushtetuese pritet të shqyrtojë nëse vendimet e gjykatave të mëparshme bien ndesh me parimet e Kushtetutës dhe të drejtën për një proces të rregullt ligjor.

Ky shqyrtim pritet të sjellë vendime me rëndësi për interpretimin e masave të sigurisë dhe të drejtave kushtetuese të qytetarëve.