Ish-kryeministri Sali Berisha ka njoftuar se Partia Demokratike do të nisë një ofensivë politike më 6 Tetor, datë e cila përkon me protestën kombëtare të thirrur nga PD. Berisha theksoi se nga kjo datë, partia do të përqendrojë të gjitha potencialet e saj në një sulm për formimin e një qeverie teknike.

Ai deklaroi: “Nga data 6, PD kalon në sulm, në një betejë të pandalshme. Mosbindja civile është një univers masash të përshkruara me hollësi, dhe do të përdoren të gjitha masat deri në arritjen e qëllimit të plotë, që është realizimi i qeverisë teknike.”

Berisha sqaroi se mosbindja civile do të jetë strategjia kryesore e PD-së për të arritur qëllimet e saj, duke theksuar se nuk janë për forma ekstreme. Ai shprehu bindjen se kjo betejë do të fitohet, duke qëndruar fuqishëm kundër qeverisë aktuale.