Sali Berisha:

Sot në Shqipëri është presidenti i Këshillit Europian, unë e përshëndes vizitën e tij, por ajo që dua të shtoj është kjo, e falenderoj sepse një vizitë është inkurajim, por përpjekja e Edi Ramës për të paraqitur murin bullgar si pengesë për negociatat është fund e krye trillim.

Nuk është muri bullgar, është muri i krimit, muri i drogës, që qëndrojnë si faktorë që i mbyllin dyert Shqipërisë për hapjen e negociatave, unë jam këtu për ti bërë thirrje BE, që të hapë negociatat me Shqipërinë, siçtregonte me objektivitet rezoluta e Parlamentit Europian, Shqipëria nuk i ka plotësuar kushtet.

Por hapja e negociatave është mënyra më e drejtë, që qytetarët shqiptarë të vetëdijësohen se ku qëndron shkaku i vërtetë i bllokimit të procesit të integrimit, te mos plotësimi i kushteve. Ndaj dhe unë, uroj dhe shpresoj që të predominojë ky mendim, që është shprehur një vit më parë në të njëjtën formë dhe nga Bundestagu gjerman.

Moshapja e negociatave do të ishte me pasoja të rënda për vendin dhe rajonin. Unë jam kundër çiftimit të shteteve në procesin e Integrimit, unë ndjej keqardhje që Maqedonia është penalizuar 3 vite më parë prej nesh, dhe tani ka probleme me fqinjët.

Nëse Rama mendon se moshapja e negociatave është autorizim për atë për të ndryshuar drejtimin e vendit do të përballet me rezistencën më të fuqishme të drejtuar nga PD. Një tentativë e tillë nuk do njohë kufinj dhe nuk do ndodhë kurrë.