Ish kryeministri, Sali Berisha: Protesta jonë nuk ndalet më, ajo ishte vetëm hapi i parë. Thashë opozita në këmbë. Do jenë forma të shumëllojshme, kjo qeveri duhet të ikë, nuk mund ta mbrojë më SPAK-u. Do përballet me popullin. SPAK është bërë kapaku i gjithë vjedhjeve të tyre. Ka 4 apo 5 muaj që ka dalë çështja e inceneratorëve. Çdo ditë Erion Veliaj me bandën e tij merr 80 mijë euro në ditë nga kjo aferë. Ku ndodh kjo? Nuk ka cinizëm më ekstrem të kësaj drejtësie ndaj shqiptarëve. Si mund t’ua japë paratë njerëzve në kërkim? Ua jep se kanë në thes qeverinë. Dhe tallen me ne, bëjnë teatër me ne. Nuk do e pranojmë ne këtë sepse kemi detyrime ndaj qytetarëve dhe do i përmbushim ato. Nëse drejtësia do vepronte ne do e vlerësonim, por këtu drejtësia përdoret për të vënë kapak.