Berisha tha në konferencèn e përjavshme se Rama është bashkëfajtor në dosjen McGonigal. Sipas Berishës, Mcgonigal para gjykatës pranoi 6 akuza në lidhje me Ramën.

Berisha: Zhvillimet dramatike në aferën McGongal për pranimin e akuzuarve të lidhura direkt me Ramën dhe ndihmësit e tij kanë tronditur në shkallë ekstreme këtë të fundit. Rama është bashkëfajtor në të gjithë dosjen shqiptare me McGonigal, por ka edhe një problematikë tjetër të madhe se në rast se McGonigal në deklaratën e tij ka pranuar 6 akuza të një pike të aktpadisë dhe ka cituar 11 herë Ramën, e ka lëshuar në rënie të lirë për t’i dëshmuar gjykatëses së ky është po aq fajtor sa McGonigal.

Ka dy pika të tmerrshme, njëra thotë se gjykatësja nuk ka asnjë detyrim të pranojë këtë marrëveshje dhe të mos vlerësojë çështje të tjera në gjykimin e McGonigal, e njëjta pikë ekziston edhe për Prokurorinë, edhe pse ka firmosur marrëveshjen nuk ka kufizim për të hetuar rreth këtyre pikave që ky ka pranuar gjer në shkurt të vitit të ardhshëm.

Akuza e vetme e pikës së aktpadisë për Ramën që nuk reflektohet në deklaratën e ish-agjentit, është gjobvënia, është aspekti më i shëmtuar i veprimtarisë si grup kriminal i strukturuar. Gjobvënia, lufta kundër opozitës, ndryshimi i licencave, janë 3 momentet klasike ku Rama, McGonigal, Neza, Duçka, Gjiknuri etj, rreshtohen si grup i strukturuar kriminal. Për të gjitha këto ne do të përpiqemi çdo fakt para drejtësisë amerikane dhe shqiptare.