Shkarkime në radhët e drejtuesve në Drejtorinë e Policisë Lezhë dhe në Komisariatin e Rrëshenit pas vrasjes së 60-vjeçarit Martin Bardhi.
Në krye të Komisariatit Rrëshen është emëruar Klodian Kondi, Zëvendës Drejtor për Hetimin në Drejtorinë e Policisë Lezhë është emëruar Gentjan Berberi dhe Zëvendës Drejtor për Rendin është emëruar Altin Mena.
Vrasja e Martin Bardhit në qendër të Rrëshenit, vijon të jetë një krim pa autor. Si pasojë e plumbave u plagosën edhe tre qytetarë të tjerë, teksa disa orë pas krimit u gjet i djegur edhe mjeti që dyshohet se kanë përdorur autorët.
