Në një fjalim të mbajtur nga arresti i shtëpisë, Sali Berisha iu bëri thirrje shqiptarëve që të ngrihen për të shpëtuar vendin nga ajo që ai e quajti “armiku i egër i qenies tonë kombëtare”, George Soros. Berisha theksoi se Shqipëria po kalon një periudhë të vështirë dhe është detyrë e qytetarëve të saj që të kthejnë shëndetin dhe fuqinë e vendit.

“Është jetike për shpëtimin e Shqipërisë nga Xhorxh Sorosi, armik i egër i qenies tonë kombëtare”, tha Berisha, duke kërkuar nga shqiptarët që të reagojnë dhe të kundërshtojnë regjimin aktual. Ai ftoi qytetarët të ushtrojnë të drejtat e tyre përmes një “mosbindjeje civile”, duke shprehur revoltën e tyre ndaj qeverisë dhe strukturave të saj, të cilat i cilësoi si pjesë të një “narkoshteti” të udhëhequr nga Edi Ramën.

Berisha shprehu shqetësimin se Shqipëria po përjeton një krizë të thellë dhe se vendi është kthyer në një “kopësht të helmuar” nga ndikimi i Soros dhe korrupsioni i qeverisë. Ai bëri thirrje që shqiptarët të votojnë me zemërim dhe revoltë, duke theksuar se kjo është një mundësi për të ndryshuar fatin e Shqipërisë.

“Shqipëria sot ngjan me një të sëmurë të shtruar në spital urgjence, që pret qytetarët të rikthejnë shëndetin dhe jetën e saj”, tha Berisha, duke u drejtuar drejtpërdrejt popullit shqiptar për të luftuar për një të ardhme më të mirë.