Presidenti i Ukrainës, Volodymyr Zelensky thotë se “beteja për Donbasin” ka nisur dhe se tashmë është duke u zhvilluar.

Komentet e tij pasojnë paralajmërimet nga zyrtarë të tjerë të lartë se Rusia ka filluar sulmin e saj të shumëpritur në rajonin lindor të hënën.

“Tani mund të konfirmojmë se trupat ruse kanë filluar betejën për Donbasin, të cilën ata e kanë përgatitur për një kohë të gjatë. Një pjesë e madhe e ushtrisë ruse tani i është përkushtuar kësaj ofensive” nga Presidenti Volodymyr Zelensky.

Nga ana tjetër rusët kanë marrë në kontroll qytetin e Kreminës, i cili ndodhet në lindje të Ukrainës.

Lajmi është bërë i ditur nga guvernatori i Luhanskut Sergiy Gauday, i cili ka thënë se tashmë trupat ukrainase e kanë humbur kontrollin mbi Kreminën.

Sipas tij pushtuesit kanë qëlluar edhe në drejtim të popullsisë civile.

Kreminna, me një popullsi prej afro 20,000 banorësh (para largimeve masive të luftës), është rreth 50 kilometra në verilindje të Kramatorskut, qendra administrative e rajonit, dhe është një objektiv strategjik për pushtimin e forcave ruse.