Pronari i një supermarket ka rënë pre e një grabitjeje të ndodhur gjatë orëve të natës në qytetin e Peqinit.

Agim Spahiu ka rënë pre e dhunës dhe më pas i është grabitur me forcë shuma ditore e xhiros.

Mësohet se dy persona kanë hyrë në ambientet e supermarketit, të armatosur me kallashnikov, duke grabitur shumën e parave.

Ata pas grabitjes janë larguar me një automjet që i priste në vendin ku kryen grabitjen. Policia vijon hetimet për identifikimin dhe arrestimin e autorëve.

Ndërkaq, janë sekuestruar kamerat e supermarketit për të bërë të mundur identifikimin e autorëve.